Басты бетке Байғанин аудандық орталықтандырылған кітапхана жүйесі Кіру       


Сайт мәзірі  











































Іздеу:
 
free counters
Free counters

Жаңа үлгідегі Сағыз модельді ауыл кітапханасы

Мекен жайы: Ащы селолық округі, Ноғайты селосы

Телефон/факс: 8(71347) 24 1 08

Электронды пошта: sagizkitap@mail.ru

Кітапхана меңгерушісі: Төлеу Ләззат Мырзағалиқызы

Сағыз селолық кітапханасы – Байғанин ауданы Ащы селолық округіне қарасты Ноғайты селосында 1965 жылдын ауыл тұрғындарына рухани мәдени қызмет көрсетіп келеді. Негізі қаланған уақытта кітапханада 5472 дана кітап қоры, 180 оқырман болған. Алғашқы кітапханашы М.Иманғалиева.

2004 жылы Сағыз ауылдық кітапханасында ауыл кітапханашыларының «Кітапхана : бүгін және болашақта» көшпелі семинар өтті.

2005 жылы Сағыз селолық кітапханасы ҚР Мәдениет және ақпарат Министрлігінің ұйымдастыруымен өткен республикалық «Үздік ауыл кітапханасы» байқауына қатысып, ынталантыру сыйлығына ие болды.

2007 жылы Кітапханашы Г.Әлібек (1975-2014 жж.қызмет жасаған) 18-19 сәуірде Астана қаласында өткен «Оқитын ел – бәсекеге қабілетті ел» атты Халықаралық Оқу Конгресіне қатысты.

2007 жылдың қараша айында Жаңа үлгідегі Сағыз модельді ауыл кітапханасы болып қайта қалыптасты. Кітапханаға сол уақытта 816050 теңгеге мебельдер, стол-орындықтар, теледидар, кітап көрмелеріне арналған сөрелермен жабдықталды.

2011 жылы аудандық кітапханашыларының «Моделді ауыл кітапханасы Тәуелсіздік жемісі» байқауында «Алғыс хатпен» марапатталды.

2013жылы -«Үздік библиографиялық жұмыс» байқауында «Үздік библиографиялық жұмыс» номинациясын иеленді.

2015 жылы «Ауылым алтын бесігім» кітапханашылардың шығармашылық байқауында жерлес, ауыл экономикасының дамуына ерекше үлес қосқан Ө.Тағыбергеновтың «Болашаққа хат» кітабына буктрейлер дайындап«Үздік буктрейлер» номинациясымен марапатталды.Қазақстан халықтары Ассамблеясының 20 жылдығы аясында өткен Н.Байғанин атындағы облыстық балалар кітапханасының ұйымдастыруымен өткен «Үздік оқырман отбасы – 2015» байқауында кітапхана оқырманы Қисықов Бекбол Аманғосұлының отбасы қатысып «Үздік сюжетті бейнеролик» номинациясын иеленді.

Ақын Н.Байғаниннің туғанына 155 жылдығына орай өткізілген «Ең үздік буктрейлер» облыстық байқауында ІІІ дәрежелі Дипломмен марапатталды. 2017 жылы кітапханада 15888 дана (оның ішінде мемлекеттік тілде 11830 дана) кітап қоры бар. Жыл ішінде кітапхана қызметімен 950 оқырман қамтылып, 18916 дана кітап берілді.. Келушілер саны-8385.

Кітапханада 2 компьютер толық жабдығымен жұмыс жасайды. Кітапхана 2008 жылдан Қазақстан Республикасы Ұлттық кітапханасының «РАБИС» (Республикалық автоматтандырылған кітапханалық-ақпараттық жүйе) бағдарламасының «Каталогизатор», «Іздестіру-тапсырыс» модульдері бойынша жұмыстар жүргізіліп, электронды қор -13856. Көшірме құралы, телефон, факспен қамтылған.

Кітапханада Қазақстан Республикасының бүгінгі саясаты, ҚР Конституциясы, Мемлекеттік Рәміздер мен нышандарына, ҚР Президентінің Қазақстан халқына дәстүрлі Жолдауларын ақпараттық түсіндіру және халықтың рухани байлығын көтеру бағыттарына орай қызмет етуде мемлекеттік және аймақтық бағдарламалар, атаулы күндер мерейтойлар аясында түрлі мәдени шаралар ұйымдастырып келеді.

«Жаңа жаһандық ахуалдағы Қазақстан», «ЭКСПО -2017: Елдіктің ерен жеңісі», «Мемлекеттік Рәміздер - ұлт мақтанышы» «Астана аласармас рух», «Тұғыры биік тұлға - Елбасы» тақырыптарында кітап көрмелері ұйымдастырылған. ҚР Президентінің Қазақстан халқына Жолдауын ақпараттық түсіндіру мақсатында «Елбасының Жолдауы елінің қолдауына ие» ақпараттық сағаты, жастар арасында «Деморкатиялық дамуға жол ашар қадам» атты танымдық сағат ҚР Президентінің билік тармақтарын арасында өкілеттіктерді бөлу мәселелері жөніндегі үндеуін талқылау мақсатында өтті.

«Бір ел -бір кітап» республикалық акциясы аясында С.Торайғыровтың шығармаларын оқуда жастар мен балалар арасында «Алаш ұраны» дауыстап оқу сағаты, «Сұлтанмахмұт Торайғыров - қазақтың көрнекті демократ ақыны» кітап көрмесі ұйымдастырылып, таныстырылды.

«Оқитын өлке» облыстық акциясы бойынша ҚР Мемлекеттік сыйлық иегрі, жазушы Қ.Мұхамбетқалиевтің «Қайдасың сен, махаббат?» кітабы бойынша ақпараттық сағаты өтіп , «Қаламы қарымды жазушы» атты кітап көрмесі ұйымдастырылып, библиографиялық шолу жасалды.

Кітапханада 2005 жылдан «Кәусар бұлақ» қызығушылық клубы жас таланттарды табу, олардың шығармашылығын дамыту, қолдау мақсатында жұмыс жасауда. 2017 жылдың еншісіндегі аудандық, облыстық деңгейдегі шығармашылық байқауларда кітапхананың жас оқырмандары топ жарып, белсенділік танытты. Облыстық «Ақтөбе жыр құшағында», аудандық «Менің болашағым қазақ тілінде» байқауларына кітапхана оқырмандары Үдербай Қарылғаш, Жанина Айымжан, Арысбек Гауһар, Төлеген Нұрай қатысты.

«Мемлекеттік тіл -менің тілім» жас талантты ақындар кеші, ақын М.Құрманалиннің 90жылдығына орай «Оқы, Ақтөбелік өренім» облыстық оқу марафоны аясында «Өлеңсіз,өкіндіріп, өткен ай,күн» әдеби сазды кеш, аудандық «Кітап оқы, өз өлкеңді танып біл!» оқу марафонына ұсынылған Т.Айбергенов шығармаларын оқу мақсатында ұйымдастырылған байқауында жас оқырман Әуелбай Ақниет қатысып 2 жүлделі орынды иеленді

«Байғанин оқулары» көркем сөз байқауының аудандық кезеңіне қатысқан Абибуллаева Айсана ІІ орынды иеленіп, Аманғос Гүлнұр алғыс хатпен марапатталды. Белсенді оқырман Абибуллаева Айсана облыстық «Ізтай оқулары» байқауының аудандық кезеңінде ІІ орынға ие болды.

Туған жер тарихы туралы арнайы бұрыш жасақталып, 20 орындық оқу залы, абономент және балалар, жасөспірімдер бөлімі жұмыс жасайды. Оқырман топтарымен жұмыс жүргізудің тиімді әдісі – ауыл тұрғындарының жанұя,мамандар, оқушылар картотекалары жасақталып, кітапхана қызметімен қамтылған.

Кітапхана ғимараты байланыс, пошта, полиция мекемелерімен бір ғимаратта орналасқан. Кітапхана көлемі – 100,90 ш.м.

Кітапхана меңгерушісі- Төлеу Ләззат, білімі жоғары,кітапханашы- Ыбырай Ләззат , білімі арнаулы орта және тазалықшы штаттары бар.


Архив толығырақ...

 
Copyright © Байғанин аудандық орталықтандырылған кітапхана жүйесі