Анықтама 2 жинақтан тұрады:

   Іргесі 1940 жылы қаланған 80 жылдан астам уақыт Байғанин аудандық орталықтандырылған кітапхана жүйесі аудан тұрғындарына рухани мәдени қызмет көрсетіп келеді. Аудандағы кітапхана ісінің тәуелсіздік алғаннан кейінгі дамуында жаңа ақпараттық технологиялармен қамтылып, ауыл тұрғындарының заман талабына сай қажеттілігін ғаламтор жүйесі арқылы жетілдіру бағытында іс шаралар жасалды. Көптеген әдеби тарихи басылымдардың тұсауы кесіліп, ғаламтор жүйесі арқылы жаңа инновациялық жобалар іске асырылды. Модельді ауыл кітапханалары қалыптасты.

    Кітапхана – ауыл тұрғындары арасында тағылымды кездесу кештері, тарихи танымдық шаралар ұйымдастыру арқылы кітап оқуға қызығушылығын арттырып, рухани өсуіне ықпал ететін рухани орынға айналды.

    Ел игілігіне рухани мәдени қызмет етіп келе жатқан аудан кітапханаларының тәуелсіздікке дейінгі және 1991 жылдан кейінгі жолдардағы тарихы мен кітапхана ісінің дамуында еселі еңбек еткен қызметкерлері туралы баяндалған «Кітапхана –парасат орталығы» атты анықтамалықты ұсынады.

1 бөлім: аудандық орталық және аудандық балалар кітапханаснда қызмет жасаған кітапханашылар туралы

   Ауыл кітапханаларында оқырмандардың күнделікті сұранысын қанағаттандыру мақсаты мерзімді басылымдар газет-журналдарға жазылып отырды.

   Ауылдық кітапханалар оның ішінде селолық окургтерге қарасты елді мекендерде 1996 жылдарға дейін 36 кітапханаға жетті. Ауыл тұрғындарын рухани қызметпен қамтуда қызмет көрсеткен кітапханалар жоспарлы бағытпен жұмыс жасады. Әр кітапхана өзінің тұрғылықты жерінің тұрғындарының кітап оқуға деген қызығушылығын арттырумен қатар, тақырыптық кітап көрмелері, диспуттар мен әңгімелер, әдеби сазды кештер, т.б. мәдени шаралар ұйымдастырды. Сонымен бірге еліміздің қаулы қарарларымен, қоғамдық негіздегі құжаттарды насихаттау бағытында малшы шопандарды аралау, мал азығын дайындаушылар, егіс, қырқымшыларға мәдени қызмет көрсету сынды жұмыстар жүргізілді, өзара көрсеткіштер бойынша жарыс газеттерін шығару, газет журналдар ұсыну, дәрігерлер лекциялары, т.б. шаралар ұдайы өткізіліп тұрды.

   Елді мекендерде тәуелсіздікке дейінгі, кейінгі жылдарда тұрғындарды кітапханалық қызмет көрсеткен кітапханашылар туралы жинақты ұсынады.

2 бөлім: ауылдық округтердегі ауыл кітапханалары