Жаңалықтар

Абайға – 180 жыл!

Абайға – 180 жыл! Ұлы ақынның өнегелі мұрасын насихаттау мақсатында. Кітапхана оқырманы Сұлтанбаева Гүлнар Амалханқызы. Абай Құнанбайұлының шығармасынан жүрек тебірентер өлең оқыды.
https://www.instagram.com/p/DNKfYiVoRmJ/

Абай Құнанбайұлының өмірі мен шығармашылығын терең насихаттау

10 тамыз – Абай күніне орай тамыз айының 7-ші жұлдызында Ебейті ауылдық модельді кітапханасы Ебейті ауылдық клубымен бірлесе отырып ұлы ақын, ойшыл Абай Құнанбайұлының өмірі мен шығармашылығын терең насихаттау,оқушылардың әдеби-мәдени дүниетанымын кеңейту, шығармашылық қабілеттерін дамыту,көркем сөзге, ұлттық өнер мен терең ойға деген қызығушылықты арттыру мақсатында Ұлы ақын Абай Құнанбайұлының 180 жыл толуына орай әдеби сазды кеш өтті.
Іс-шараға Қопа орта мектебінің оқушылары қатысты. Оқушылар Абай шығармаларын жатқа оқып, ақын мұрасын ерекше ықыласпен жеткізе білді:Тасболатқызы Нұрсезім – ақынның Он сегізінші қарасөзін,Садақбай Айару – «Ғылым таппай мақтанба»,Құлжігіт Айдана – «Әсемпаз болма әрнеге»,Мустакин Инабат – «Өлең – сөздің патшасы, сөз сарасы» , Абай Медина «Жазғытұры» өлеңін жатқа оқыды.
Шара барысында оқушылардың зеректігін, тапқырлығын, әдеби білімін тексеруге бағытталған «Жырдан шашу» атты интеллектуалды ойын ұйымдастырылды.
Ойын шарты бойынша кітапханашы Абай өлеңінің алғашқы екі жолын оқыды, ал оқушылар өлеңді жалғастыру арқылы ақын шығармашылығына деген білімдерін көрсетті.Кеш соңында «Абайды оқы, таңырқа» атты кітап көрмесі таныстырылды.Көрменің мақсаты – оқырмандарға Абай Құнанбайұлының шығармашылығын жан-жақты таныстыру, ақынның өлеңдері мен қарасөздері арқылы ұлттық рухты дәріптеу, жас ұрпақты кітап оқуға баулу.өрмеде ақынның өмірбаяны, шығармалары, зерттеу еңбектері мен Абай туралы жазылған туындылар қойылды және кешке белсене қатысқан оқушылар алғыс хаттармен марапатталды.

"Абай – Алаштың темірқазығы" атты жыр сағаты

2021 жылғы 5 тамызда Қазақстан Республикасы Үкіметінің қаулысымен 10 тамыз — Абай күні болып белгіленді.
Бұл күн қазақтың ұлы ойшылы, ақыны Абай Құнанбайұлының туған күніне орайластырылған.
Абай күні — ұлттық мереке ретінде халқымыздың рухани мұрасын дәріптеу, Абай шығармашылығын, әдеби мұрасын, философиясын насихаттау мақсатында атап өтіледі.Осыған орай кітапханамызда қазақтың ұлы ақыны, ойшылы Абай Құнанбаевтың 180 жылдығына арналған "Абай – Алаштың темірқазығы" атты жыр сағаты өткізілді.
Іс-шара барысында оқырмандарға Абайдың өмірбаяны мен шығармашылығы таныстырылып, ақынның өлеңдері мәнерлеп оқылды. Сонымен қатар, оқырмандардың танымын арттыру мақсатында "Абай туралы не білеміз?", "Сіз Абайды танисыз ба?" атты викториналық сұрақ-жауап ойыны ұйымдастырылды.

“Абай сөзі-қазақтың бой тұмары” атты мәнерлеп оқу сайысы өткізілді.

7-тамыз күні кітапханамызда “Абай сөзі-қазақтың бой тұмары” атты мәнерлеп оқу сайысы өткізілді.
Ұлы ойшыл, ақын, ағартушы Абай атамыздың мұрасын кеңінен насихаттау мақсатында ұйымдастырылып отырған бұл сайыста оқушылар ақынның “Әсемпаз болма әрнеге”, “Жасымда ғылым бар деп ескермедім”, “Ішім өлген,сыртым сау”,”Сегізаяқ”, “Ғылым таппай мақтанба”, “Сенбе жұртқа тұрсада қанша мақтап” өлеңдерін жатқа айтып сайысты.
Қатысушылар: Оқушылар, жас көрермендер
Шара барысында қатысушылардың өнері бағаланып, алғыс хаттар мен шағын сыйлықтар табысталды.
Абай мұрасын дәріптеуге арналған кітап көрмесі де ұйымдастырылды.

“Ұлылардың ұлысы – Ұлы Абай”

7 тамыз күні аудандық Тәуелсіздік саябағында Қазақтың ұлы ақыны, ғұлама ойшыл, дана тұлға Абай Құнанбайұлының туғанына 180 жыл толуына орай “Ұлылардың ұлысы – Ұлы Абай” атты ашық аспан астындағы әдеби-сазды кеш және ашық микрофон форматындағы рухани шара ұйымдастырылды.
Кештің мақсаты – Абай мұрасын дәріптеу, жас ұрпақтың бойында ұлттық құндылықтарға деген сүйіспеншілікті арттыру, поэзия мен өнерге деген ықыласты ояту болды. Іс-шара барысында ақын өлеңдері оқылып, қара сөздерінен үзінділер айтылып, Абайдың әндері шырқалды. Ашық микрофон алаңында аудан тұрғындары мен қонақтар өз өнерлерін көрсетіп, жүрек түкпірінен шыққан сөздерін Абай рухына арнады.

Кешке қатысқан оқушылар, жас өнерпаздар мен әдебиет сүйер қауым ақын шығармашылығына деген құрметтерін білдіріп, рухани азық алып қайтты.Сонымен қатар кітап көрмесі кең көлемде жасақталып, таныстырылды. Бұл кеш – Абайдың мәңгі өшпес мұрасын ұлықтаудың, ұрпақ санасына сіңірудің жарқын көрінісі болды.

            Абай мұрасы – ұлттың қазынасы.

Ұлы ойшыл, ақын, ағартушы Абай Құнанбайұлының туғанына – 180 жыл! Ол – қазақ руханиятының шамшырағы, мәңгілік мұра қалдырған дара тұлға. Абай мұрасы – ұлттың қазынасы.
«Адамзаттың бәрін сүй, бауырым деп…»
Осы айтулы күнге орай кітапханашылар ақынның өлеңдерін жатқа оқып, Абай шығармашылығына деген құрметтерін білдірді.Абайды оқиық, танып-білейік, насихаттайық!